الهى يارب مايكون الموضوع دوت متكرر
كتير مننا سمع الرائعه الشعبية (الست لما) الست ميه ميه ..
عسليه ... والبت ؟؟ حراميه مفتريه .. الخ الخ
المهم ... النهارده هنقول الدكتوره لما
الدكتوره لما تقول الموضوع ده ما يستناش لازم نتصرف فيه فورا..
يبقى قصدها: لازم نلحق نعمل عليك شغل لأن لو استنينا
هو هيخف لوحده وتضيع علينا الفرصة!!
الدكتوره لما تقول استعمل الدوا ده وعدى عليا بعد بكرة..
يبقى قصدها: ده دوا لا بينفع ولا يضر بس تعالالى بعد يومين
أكون سألت حد بيفهم!!
الدكتوره لما تقول أشوفك بعد عشرة أيام..
يبقى قصدها: علشان تدفع كشف جديد .. انت مش قرأت اليافطة
وانت داخل مكتوب عليها الاستشارة فى خلال أسبوع من
الكشف!! هاا ؟؟ قريت ولا ماقريتش يا جدع انت
الدكتوره لما تقول احنا هنتابع تطورات الحاله أسبوع كمان
قبل ما نقدم على أى اجراء..
يبقى قصدها: الصبر مفتاح الفرج يمكن البلوه دى تتحول لحاجة نعرف لها علاج!!
الدكتوره لما تقول اعمل التحاليل فى المعمل ده أنا بثق في النتائج بتاعتهم..
يبقى قصدها: بيدفعولى عمولة 40% من تمن التحاليل!!
الدكتوره لما تقول أنا هاحولك على أخصائى يشوف حالتك أحسن منى..
يبقى قصدها: أنت صحتك زى الفل بس الراجل ده مزنوق فى قرشين وواجب ننفعه ..
أو يمكن يكون فيه بينهم قصة حب من أول سرنجه :p
الدكتوره لما تقول أنا هوصفلك دوا جديد ممتاز..
يبقى قصدها: هجرب فيك الدوا ده أنا محتاجه حالات أعمل عليها
البحث بتاع الترقية
الدكتوره لما تقول المضاد الحيوى ده ممتاز جدا مع انه غالى
شوية سيبك من البديل الرخيص بتاع زمان بقى غير فعال..
يبقى قصدها:مندوب المبيعات بتاع الشركة لسة خارج من عندى ومدينى شنطة دعاية جلد تجنن !
مع الاعتذار يا دكتره منك لها
*******************
أحلى سلام كله انتي بايوتك وحقن عضل
وربنا يشفي كل مريض بحق الأيام المفترجه
لوحة الإعلانات النصية - منتديات حياتي
الدكـاتـره والشنـط الـجـلـد
العرض العادي
